Chapter 8: Conjunctions of the Planets with Stars

भवन्त्यतीतधिष्ण्यानां भोगलिप्तायुता ध्रुवाः

bhavantyatītadhiṣṇyānāṃ bhogaliptāyutā dhruvāḥ

अष्टार्था अब्धयो अष्टागा अङ्गागा मनवस्तथा

aṣṭārthā abdhayo aṣṭāgā aṅgāgā manavastathā

खवेदाः सागरनगा गजागाः सागरर्तवः

khavedāḥ sāgaranagā gajāgāḥ sāgarartavaḥ

स्वभोगतो वियन्नागाः षट्कृतिर्यमलाश्विनः

svabhogato viyannāgāḥ ṣaṭkṛtiryamalāśvinaḥ

दिङ्मासविषयाः सौम्ये याम्ये पञ्च दिशो नव

diṅmāsaviṣayāḥ saumye yāmye pañca diśo nava

दक्षिणे रुद्रयमलाः सप्तत्रिंशदथोत्तरे

dakṣiṇe rudrayamalāḥ saptatriṃśadathottare

उत्तरस्यां तथा षष्टिस्त्रिंशत्षट्त्रिंशदेव हि

uttarasyāṃ tathā ṣaṣṭistriṃśatṣaṭtriṃśadeva hi

भागाः षड्विंशतिः खं च दास्रादीनां यथाक्रमम्

bhāgāḥ ṣaḍviṃśatiḥ khaṃ ca dāsrādīnāṃ yathākramam

विंशे च मिथुनस्यांशे मृगव्याधो व्यवस्थितः

viṃśe ca mithunasyāṃśe mṛgavyādho vyavasthitaḥ

हुतभुग्ब्रह्महृदयौ वृषे द्वाविंशभागगौ

hutabhugbrahmahṛdayau vṛṣe dvāviṃśabhāgagau

गोलं लब्ध्वा परीक्षेत विक्षेपं ध्रुवकं स्फुटम्

golaṃ labdhvā parīkṣeta vikṣepaṃ dhruvakaṃ sphuṭam

विक्षेपो अभ्यधिको भिन्द्याद्रोहिण्याः शकतं तु सः

vikṣepo abhyadhiko bhindyādrohiṇyāḥ śakataṃ tu saḥ

ग्रहमेलकवच्छेषं ग्रहभुक्त्या दिनानि च

grahamelakavaccheṣaṃ grahabhuktyā dināni ca

विपर्ययाद्वक्रगते ग्रहे ज्ञेयः समागमः

viparyayādvakragate grahe jñeyaḥ samāgamaḥ

विशाखाश्विनिसौम्यानां योगतारोत्तरा स्मृता

viśākhāśvinisaumyānāṃ yogatārottarā smṛtā

हस्तस्य योगतारा सा श्रविष्ठायाश्च पश्चिमा

hastasya yogatārā sā śraviṣṭhāyāśca paścimā

भरण्याग्नेयपित्र्याणां रेवत्याश्चैव दक्षिणा

bharaṇyāgneyapitryāṇāṃ revatyāścaiva dakṣiṇā

यथा प्रत्यवशेषाणां स्थूला स्याद्योगतारका

yathā pratyavaśeṣāṇāṃ sthūlā syādyogatārakā

प्रजापतिर्वृषान्ते असौ सौम्ये अष्टत्रिंशदंशकैः

prajāpatirvṛṣānte asau saumye aṣṭatriṃśadaṃśakaiḥ

बृहत्किञ्चिदतो भागैरापः षड्भिस्तथोत्तरे

bṛhatkiñcidato bhāgairāpaḥ ṣaḍbhistathottare